सबैभन्दा उत्तम उपहार। म २०१६ ग्रेटर लान्सिङ फूड बैंक हलिडे अभियानका लागि राम्रो विषयको बारेमा सोच्न सक्दिनँ।
थुप्रै उपायद्वारा गत वर्ष जीएलएफबीमा यस टोलीको लागि एक वर्ष उपलब्धि भएको छ। तर मेरो मनमा, यी मात्र महत्त्वपूर्ण उपायहरू हुन्: गत वर्ष हामीले कति जनाको सेवा गऱ्यौं र कति जनाखाँचोमा परेका मानिसहरूलाई हामीले पहिल्यै थाह नभएको कुरा पत्ता लगाए, ताकि हामीले उनीहरूलाई पनि खुवाउन मदत गर्न सक्छौं।
हामीले कसरी यसो गर्न सक्यौं? खाद्य बैंकका कर्मचारीहरूको प्रत्येक सदस्य, हाम्रो मायालु पैंट्री नेटवर्क, हाम्रा समर्पित स्वयंसेवक तथा बोर्ड सदस्यहरू र खाँचोमा परेकाहरूलाई मदत गर्नुको महत्त्व कहिल्यै नबिर्सेका हाम्रा समुदायका अनगिन्ती सदस्यहरू समावेश भएको अद्भुत नेटवर्क र साझेदारीद्वारा मात्र।
हाम्रो क्षेत्रभरिका व्यक्ति तथा परिवार, व्यवसायी, किसान तथा खुद्रा व्यापारी, धार्मिक तथा सेवा समूहसँग कुरा गर्दा म एउटा निरन्तर सन्देश सुन्छु: सबै जना, निस्सन्देह, भोजनको हकदार छन्। हाम्रो समुदायमा कोही पनि भोकाउनु हुँदैन। अनि जीएलएफबीको टोलीको सबैभन्दा महत्त्वपूर्ण लक्ष्य यही हो।
त्यसोभए, हाम्रो सबैभन्दा उत्तम उपहार, यस सन्देशसित के सम्बन्ध छ त? यो साँच्चै सरल छ । बिदाको समय नजिकिँदै गर्दा परिवार र व्यवसायीहरु उत्सव मनाउन एक ठाउँमा भेला हुन्छन्। हामी प्रत्येकले विगतका वर्षहरुका उपलब्धि र चुनौतीलाई ध्यान दिँदै जाँदा मलाई आशा छ— एक छिनका लागि मात्र भए पनि – हामी प्रत्येकले कम भाग्यमानी, जसलाई हाम्रो सहयोगको खाँचो छ, उनीहरुको बारेमा सोच्नेछौं। बिदाको समयमा दिनुभन्दा राम्रो समय अरू कुनै छैन। अनि मेरो मनमा हाम्रो समुदायका मानिसहरूको लागि आशाको उपहारजस्तो राम्रो उपहार अरू कुनै छैन जसले कहिल्यै भोकै बस्ने योजना बनाएका थिएनन्। आफ्ना छोराछोरी वा सहकर्मीहरूका लागि "शिक्षण क्षण" राख्न चाहनुहुन्छ? आफ्नो साथी वा छिमेकीलाई मदत गर्न सबैभन्दा उत्तम उपहार दिनुहोस्।
हामी साँच्चै चासो राख्ने समुदायमा बस्छौं । ग्रेटर लान्सिङ फूड बैंकमा, यस मिशनलाई समर्थन गर्न समुदाय एकसाथ भेला हुँदा मात्र हामी खाँचोमा परेकाहरूलाई खुवाउन सक्षम हुन्छौं। हेरचाह गर्नुभएकोमा धन्यवाद। अनि एक जना व्यक्ति वा एक परिवारलाई समेत आफ्नो टेबुलमा पोसिलो खाना खान मदत गर्न उत्तम उपहार दिने विचार गर्नुभएकोमा धन्यवाद।
ग्रेटर लान्सिङ फुड बैंकको हाम्रो टोलीबाट सुरक्षित, स्वस्थ, शान्त र हर्षोदय बिदाको शुभकामना ।
जो वाल्ड,
कार्यकारी निर्देशक